Михаил Андреевич тус ахтыыта.
Мин 1914 сыллаахха Ѳргүѳт нэһилиэгэр дьадаҥы кэргэҥҥэ
тѳрѳѳбүтүм. 1936-1939сс. «Харлампьев» аатынан колхозка сэбиэдиссэйинэн
үлэлээбитим.
1939-1942сс.
Ѳргүѳт нэһилиэгэр Совет председателинэн үлэлээбитим.
1942-1943сс.
дылы «Харлампьев» аатынан колхозка председателинэн үлэлээбитим. 1943с. армияҕа
ыҥырыллыбытым. Онно Забайкальскай фронт иккис ротатыгар 76 стрелковай
дивизиятыгар красноармееһынан ылыллыбытым. Итиннэ мин 1946 сыллаахха дылы
сулууспалаабытым, 1946 сыллаахха этэҥҥэ дойдубар эргиллэн кэлбитим. Ол кэлэн
баран 1947 сылга дылы райком инспекторынан үлэлээбитим. Ол кэннэ Тааһаҕар
нэһилиэгэр Ворошилов аатынан колхозка сэбиэдиссэйинэн үлэлээбитим, 1953 сылга
дылы. Онтон биир сыл ити колхозпар солбуйар председателинэн үлэлээбитим. Оттон
үс сыл биригэдьиирдээбитим. 1957-1967 сылга дылы маҕаһыын сэбиэдиссэйинэн үлэлээбитим. Онтон биир сыл Тааһаҕар
нэһилиэгэр рабочайынан, онтон үс сыл
Тааһаҕар нэһилиэгэр түүлээҕи тутар
тэрилтэҕэ үлэлээбитим. 1971 сылтан билиҥҥэ дылы маҕаһыыҥҥа атыыһыттыыбын. Бу үлэлээбитим устатыгар
маннык наҕараадаларынан наҕараадаламмытым:
1.
Үлэҕэ ситиһиитин
иһин медалынан
2.
Японияны кыайыы
иһин медалынан
3.
20-25 сылын Кыайыы
туолуутугар 2 медалларынан.
4.
Советскай Армия 50
сылын туолуутугар медалынан.
5.
1947 сыллаахха
Саха АССР Верховнай Советын почётнай грамотатынан.
6.
Ити кэнниттэн
үчүгэй үлэм иһин оройуоннааҕы Совет исполкомуттан 3 тѳгүл похвальнай лиит
ылбытым.
Манан кылгастык этэрим бүттэ.
19.02.1975сыл.
Комментариев нет:
Отправить комментарий