Мин аҕам Каратаев Иван Алексеевич 1904 сыллаах төрүөх
этэ. Кини Аҕа дойду сэриитигэр ыңырыллан 1941 сыл атырдьах ыйыгар барбыта уонна
уоттаах сэриигэ сэриилэспитэ. Аҕам 1944 сыллаахха атаҕар улаханнык бааhыран
онто кыайан үтүөрбэккэ гангреналаан аңар атаҕын быстаран госпитальга сыппыта.
Кэлин үтүөрэн баран 1946 сыллаахха тыыннаах дойдутун булан кэлбитэ. Хойут да
буоллар кини бэйэтин курдук сылаабай дьахтары кэргэн ылбыт. 1962 сыллаахха аҕам
бастакы кэргэнин балтытыттан Григорьева Мария Никифоровнаттан аҕыс ыйдаах оҕону
ииттэ ылбыттар. Ол оҕолорун, миигин, бэйэлэрин фамилияларынан Анна Каратаева диэн
суруттарбыттар. Ол кэннэ аҕам үс сыл буолан баран 1965 сыл күhүнүгэр бу сиртэн
букатыннаахтык барбыта.
Олох тупсубутун кэннэ, мин, кыыстара, үөрэнэн бүтэрим
саҕана, оччолорго «Комсомольская правда» хаhыакка, аҕам туhунан суруйбутум, ону
кинилэр Московскай военнай архивка сурукпун ыыппыттарын туhунан суруйбуттара.
Онно эппиэтин Саха сиринээҕи военнай архивтан билис уонна эйиэхэ бэйэлэрэ
эппиэтиэхтэрэ диэн сурук кэлбитэ. Онтон син уhаан баран Бүлүүтээҕи военкоматтар
миигин манна киирэ сырыт диэбиттэригэр, киирэ сылдьан онно билбитим, аҕам
Сталининград оборонатыгар сэриилэспитин, атаҕар араанньы буолбутун. Уонна онно
военнай билет ыларыгар «θлөкө» диэн илии баттаабытын көрбүтүм. Ол кэннэ хайдах
эрэ, мин аҕам уоттаах сэриигэ сылдьыбытын туоhулуур докуменнара баарын билэн,
тугу эрэ ситиспит курдук санаммытым.
Ахтыыны
суруйда кыыстара Иванова Анна Ивановна
Ыам
ыйа 2015 сыл.
Комментариев нет:
Отправить комментарий