Константинов Елисей Андреевич (1912-1964)



Константинов Елисей Андреевич 1946-1950 сылларга III Күүлэт колхуоһугар бэрэссэдээтэллээбит. Кинини  үлэһит, сымнаҕас мыйгылаах, эмиэ да дьээбэлээх, ол гынан баран дьон толлор, убаастыыр киһитинэн колхуоҺун дьонугар-сэргэтигэр үтүө өйдөбүлү эрэ  хаалларбыт.
 III Күүлэттэн төрүттээх Үгүлээт олохтоохторо Алексеев Василий Захарович, Маисов Реворий Сергеевич ахталларынан Елисей Андреевич сэрии бэтэрээнэ орденнаах, мэтээллээх киһи колхозка бэрэссэдээтэллээбит кэмигэр III Күүлэт биир уулуссалаах эбит, онно титиригинэн баайан уһун баҕайы штакетиник оҥотторбут. Үүнэкээн диэн сиртэн оскуоланы көһөрөн аҕалан туттарбыт. Оттооһуҥҥа элбэх оту, атын колхозтарга атыылыыр оту оттоторо. Өтөххө барытыгар бааһыналарга бурдук, хортуоска, хаппыыста, турнуопус, эриэппэ үүннэттэрэр эбит. Көлөһүн күнүгэр колхозтаахтарыгар биэ бөҕөтүн ыатан, кымыс оҥотторор, арыы, ас бөҕөтүн аһатар эбит. Кэргэннэнэ сылдьыбыт, уол оҕолоох Настаа диэни кытта, онто арахсан барбытын кэннэ 2-3 сыл соҕотоҕун уопсай дьиэҕэ олорбут, онтон Лукина Марфа диэни кытта иккистээн кэргэннэнэн Бүлүү куоратыгар көспүт. Сүрдээх үчүгэй салайааччы этэ дииллэр үһү, куруук итинник үчүгэй эрэ өттүнэн дьонноро кэпсэтэллэрин истэллэр эбит. Василий Захарович 8 кылааска үөрэнэ сылдьан Бүлүүгэ көрсүбүт, Реворий Сергеевич эмиэ, дьэ улахан дьон буолбуккут диэбитэ үһү.
1948 сыл бэс ыйын 25 күнүгэр «Колхоз суола» оройуон хаһыатыгар “Оскуола тутуллар” Н. Докторов ыстатыйата тахсыбыт: «III Күүлэт Крупская аатынан колхоз колхозтаахтара 25 киһи ү хостоох оскуола тутуутун кыайыылаахтык ыыталлар. Эргэ маһынан хайыы-һахха өһүөтүн түһэрдилэр.
Урут оскуола баара эрэ 3 хостоох кыра дьиэҕэ үлэлээбитэ. Оҕолор киэҥ, сырдык, саҥа оскуолаҕа үөрэнэллэрин иһин колхоз председателэ т. Константинов Е., нассовет председателэ т. Константинов П.К. дьоһуннаахтык кыһаналлар”.
Бу курдук киһи үтүөтүн, улахан талааннаах салайааччы  быһыытынан дьон өйүгэр-санаатыгар билиҥҥээҥҥэ дылы номох курдук кэпсэнэ сылдьарыттан, биһиги, биир дойулаахтара киэн туттабыт!

Бу ахтыыны суруйарга көмөлөспүт Үгүлээт дьаһалтатын специалиһыгар Яковлева Кюнняй Реворьевнаҕа уонна олохтоох Петрова Розалия Никитичнаҕа дириҥ махталбытын тиэрдэбит.
 

Первая страница приказа
 Строка в наградном списке
Наградной лист


Комментариев нет:

Отправить комментарий