Осипов Тимофей Иннокентьевич, гвардии мл. сержант(1916-1943)



Сэриигэ барар күнүгэр түспүт хаартыскалара. Хаҥастан уҥа: кыра быраата Николай, Тимофей, кэргэнэ Агафья Алексеевна.
     
             Осипов Тимофей Иннокентьевич, мл. с-т, 1916 с.т., 31.05.43 с. кыргыhыы  хонуутугар охтубут  Псковскай уоб. Великолукскай р-н, Чернозем ст. көмүллүбүт / Книга памяти №1, с. 280, № 205.
 Тимофей Иннокентьевич 1916 сыллаахха Тааһаҕар нэһилиэин Ыттаах алааһыгар төрөөбүтэ. Ийэтэ Осипова Мария Николаевна, аҕата Осипов Иннокентий Степанович. Ыал улахан оҕото. Түөрт кылаас үөрэхтээх. 1935 сыл комсомолга киирбит, 1940 сыл ахсынньытыттан ВКП(б) чилиэнэ. 
  • 1930 сыл бэс ыйыттан 1931 сыл алтынньытыгар дылы "Үлэ күүһэ" колхуос үлэһитэ;
  • 1931 сл алтынньы ыйыттан 1932 сыл ыам ыйыгар дылы "Үлэ күүһэ" колхуоска завхозтаабыт;
  • 1932 сыл ыам ыйыттан 1933 сыл атырдьах ыйыгар дылы "Үлэ күүһэ" колхуос үлэһитэ;
  •  1933 сыл атырдьах ыйыттан 1934 сыл бэс ыйыгар дылы Ворошилов аатынан колхуос бырабалыанньатын сэкэритээринэн үлэлээбит;
  • 1934 сыл бэс ыйыттан 1936 сыл балаҕан ыйыгар дылы колхуос ларегар атыыһыттаабыт;
  • 1936 сыл балаҕан ыйыттан 1937 сыл тохсунньутугар дылы Тааһаҕар сельсоветын сэкэритээрэ;
  • 1937 сыл тохсунньутуттан 1938 сыл бала5ан ыйыгар дылы Тааһаҕар нэһилиэгин "II Пятилетка" бырабалыанньатын бэрэссэдээтэлэ;
  • 1938 сыл бала5ан ыйыттан 1940 сыл олунньутугар дылы Бүлүү райсоветын райземотдел живсекторын сэбиэдиссэйэ;
  • 1940 сыл бала5ан ыйыттан 1942 сыл тохсунньутугар дылы Бүлүү райсоветын райземотделын оргинструктара;
  • 1942 сыл олунньу 7 күнүттэн ВКП(б) Бүлүүтээҕи райкомун иструкторынан анаммыт. 
    1930 сыллар бүтүүлэригэр ыал буолбут. Кэргэнэ Осипова (Поскачина) Агафья Алексеевна, 1940 сыллаахха уол оҕоломмуттар, Валерий диэн ааттаабыттар. Валерий кэргэннэнэн 4 о5олонон, суоппар идэтин ылан үлэлээн, эрдэ олохтон туораабыта. Сиэннэрдээх, хос сиэннэрдээх. Саллаат олоҕо салҕанар.

    1942 сыллаахха бэс ыйын 27 күнүгэр сэриигэ ыҥырыллыбыта. 1943 сыл ыам ыйын 31 күнүгэр гвардия младшай сержана Тимофей  Иннокентьевич сэрии хонуутугар Псков уобалаһын Великолукскай оройуонун Разинка дэриэбинэтин таһыгар геройдуу өлбүт. Билигин Псков уобалаһын Великолукскай оройуонун Пореченскай волоһын Чернозем станциятын бырааттыы уҥуоҕар көһөрүллэн көмүллэ сытар.











Өссө көр:

Комментариев нет:

Отправить комментарий