Поскачин Иван Андреевич (1915-1986)





Поскачин Иван Андреевич (1915-1986), 1941 с. сэриигэ ыңырыллан барбыт, 1942 с. от ыйыгар бааhыран төннүбүтэ, "1 степеннээх Отечественная война" орден, "За отвагу" медаль кавалердара. /www.podvignaroda.mil.ru


Сэрии иннигэр Тааһаҕар бөһүөлэгин илин баһыгар     Мария уонна Андрей Поскачиннар,  дьоҥҥо биллэллэринэн Тоокколор, 2 кыыстаах, 4 уоллаах ыал буоланнар бур-бур буруо таһаараннар олорторо.  Ол мин эбэлээх эһэм этилэр. Түөрт уонус сылларга оҕолоро бары атахтарыгар тураннар, үгүстэр дьиэ-уот тэриммит кэмнэрэ этэ. Аан  дойдуну  атыйахтаах уулуу аймаабыт уодаһыннаах сэрии ыар тыына мин да дьонум дьиэлэрин быһа ааспатаҕа, тоҥ дьыбарынан хаарыйбыта.  1941 сыл   күһүнүгэр бастакы ыҥырыкка   кэргэннээх  элбэх оҕолоох орто уолларын  Мииккэни сэриигэ ыҥырбыттара.   «Элбэх  кыра оҕолоох, элбэх иитимньилээх, кини оннугар мин барыым», - диэн  кыра сулурбах уол Иван военкомакка тылланан убайын оннугар барбыта. Иван  оччолорго  Бүлүү куоратыгар үлэлиирэ. Эһиилигэр 1942 сыл  от  ыйынааҕы улахан хомуурга   Мииккэ   убайын  Бүөтүрү кытары бэбиэскэ тутан  фроҥҥа аттаммыттара.  Аара баран иһэннэр  Иркутскай куоракка бырааттарын Иваны  араанньы буолан армияттан сыыйыллан иһэрин көрсөннөр, «Дьоннорбутун көрө сылдьаар!»- диэн кэс тылларын  этэн ааспыттар.
         Поскачин Иван Андреевич,  Тоокколор кыра уоллара,  Москва анныгар кырыктаах кыргыһыыларга  ыараханнык бааһыран  сыл буолаат дойдутугар «Хорсунун иһин» мэтээллээх  төннүбүтэ.  Кэлин атыы-эргиэн эйгэтигэр: Чернышевскай сельпотун солбуйар бэрэссэдээтэлинэн, налоговой агенынан о.д.а.  үлэлэргэ үлэлээн бочуоттаах сынньалаҥҥа тахсан Бүлүү куоратыгар 1986 сыллаахха ыалдьан өлбүтэ.
                                    Поскачин Афанасий Петрович
                                   Саха Республикатын норуотун хаьаайыстыбатын утуелээх улэьитэ,
                                   Саха Республикатын муниципальнай сулууспатын туйгуна,
                                   Саха Республикатын доруобуйа харыстабылыгар туйгуна,
                                   Тааьа5ар нэьилиэгин  бочуоттаах олохтоо5о.
2015 сыл.

Комментариев нет:

Отправить комментарий