Каратаев Софрон Николаевич (1916-1993)




Каратаев Софрон Николаевич (1916-1993), Ворошилов аатынан  колхозтан барбыта, 3-с степеннээх Слава, 1 степеннээх Отечественная война орденнар, «За победу над Германией в Великой Отечественной войне 1941–1945 гг.» мэтээл кавалердара. /www.podvignaroda.mil.ru



Ахтыы

            Каратаев Софрон Николаевич 1916 с. Тааһаҕар нэһилиэгэр төрөөбүтэ. Олоҕун тускула – укулаата бу төрөөбүт дойдутугар ааспыта.
            Үлэни кыайар, сүрэхтээх киһибуола улааппыта. Эдэригэр быһый киһи этэ диэн кэпсээччилэр.
            Бастакы кэргэниттэн Валентин диэн уол оҕо эрдэҕиттэн ыарыһах буолан эрдэ өлтө. Иккис кэргэнэ Маайа дьон кэпсээнинэн улахан иистээх уонна ырыаһыт этэ дииллэрэ. Икки кыыс оҕоломмуттара, Маайа эрдэ ыалдьан өлтө.
            Кыргыттар улаатан ыал буолан Валя 5 оҕо, Таня 3 оҕоломмуттара. Онон оҕонньор сиэннэрин көрөн барта.
Софрон Николаевич сэрии бэтэрэээнэ, араанньалаах. III степеннээх Слава, I степеннээх Отечественная война орденнар, «За победу над Германией в Великой Отечественной войне 1941–1945 гг.» мэтээл кавалердара.
Сэрии туһунан оннук – маннык диэн кэпсэммэтэх киьи. Отой аҕыйах саҥалаах буолааччы. Ол эрэн олус үөрүнньэҥ быһыылаах этэ. Биир кэми ахтыам. Ветераннар пенсиялара кэлбитэ. Ол саҕана харчы уларыйа илик этэ. 1,3,5,10 солкуобайдаах этилэр. Софрон Николаевич харчыта баһаам кыстанна, хайа да өттүттэн тутуон буолбата, ханна да баппат дьаабы. Оҕонньор күл да күл буолла.
-          Дьэ, алдьархай харчы дии,-  диэн субу-субу этэр.
-          Дьэ судаарыстыба дии, туох ааттаах баһаам харчытай,- дии дии күлэр, тэпсэҥниир. Мин устуул ылан биэрдим. Аны харчыбытын угар иһит суох. Кладовкатан мөһөөччүк булан биэрдим. Илиитэ салҕалас, онон иккиэн көмөлөөн уктубут. Тобус толору буолла.
-          Дьэ айбыын буолар да эбит,- диэн баран күлэн турара бу баарга дылы.


Ахтыыны суруйда Тамара Ивановна Быкалырова. 12.03.2020 Бүлүү куората.





 "Подвиг народа" сайтка


Комментариев нет:

Отправить комментарий